Махфийлик сиёсати

Ушбу сиёсат Testogen онлайн тест платформаси (кейинги ўринларда — Платформа) фойдаланувчилари ва тест топширувчиларнинг шахсга доир маълумотлари қандай қайта ишланишини тушунтиради. Сиёсат Ўзбекистон Республикасининг «Шахсга доир маълумотлар тўғрисида»ги Қонуни талабларига асосланади.

1. Маълумотлар учун ким жавобгар

Платформада икки томон бор:

• Ташкилот (мактаб, университет, марказ ёки компания) — тестларни яратади, респондентлардан қандай маълумот сўрашни белгилайди ва натижаларни ишлатади. Респондент маълумотлари бўйича ташкилот маълумотлар эгаси ҳисобланади.
• Платформа оператори — хизматни кўрсатади ва маълумотларни ташкилот топшириғи билан, фақат хизмат кўрсатиш учун қайта ишлайди.

2. Қандай маълумотлар йиғилади

• Ҳисоб маълумотлари: ташкилот ходимларининг исми, электрон почтаси, хешланган пароли ва роли.
• Респондент маълумотлари: ташкилот тест бошланишида сўраган майдонлар (масалан, исм, гуруҳ, электрон почта) ва берилган жавоблар.
• Техник маълумотлар: IP манзил, браузер тури, тест бошланган ва тугаган вақт; ҳалоллик назорати ёқилган бўлса — бошқа ойнага ўтиш каби ҳодисалар.
• Мурожаатлар: алоқа шакли орқали юборилган хабарлар.

Платформа респондентлардан ташкилот сўрамаган маълумотларни йиғмайди, реклама мақсадида кузатув қилмайди ва маълумотларни сотмайди.

3. Маълумотлар нима учун ишлатилади

• Тестларни ўтказиш, жавобларни баҳолаш ва натижаларни ташкилотга кўрсатиш.
• Сертификат бериш ва унинг ҳақиқийлигини текшириш имконини яратиш.
• Хизмат хавфсизлигини таъминлаш: фирибгарлик ва рухсатсиз киришнинг олдини олиш.
• Фойдаланувчиларга хизмат бўйича хабарлар (масалан, натижа тайёрлиги ҳақида) юбориш.

4. Сақлаш муддати

Маълумотлар ташкилот ҳисоби фаол бўлган даврда сақланади. Ташкилот натижаларни исталган вақтда ўчириши мумкин. Ҳисоб ёпилганда маълумотлар қонунчиликда белгиланган муддатлардан сўнг ўчирилади ёки анонимлаштирилади.

5. Маълумотлар қандай ҳимояланади

• Браузер ва сервер ўртасидаги уланиш шифрланади (HTTPS).
• Пароллар ва гуруҳ пароллари тиклаб бўлмайдиган хеш кўринишида сақланади.
• Натижаларни фақат ташкилотдаги тегишли ҳуқуққа эга ходимлар кўради; ҳаракатлар журналга ёзилади.
• Ўзбекистон Республикаси фуқароларининг шахсга доир маълумотлари қонунчилик талабига мувофиқ Ўзбекистон ҳудудида жойлашган серверларда сақланиши керак — оператор хизматни шунга мос жойлаштиради.

6. Учинчи шахсларга бериш

Маълумотлар учинчи шахсларга фақат қонунда белгиланган ҳолларда ёки хизматни кўрсатиш учун зарур бўлган провайдерларга (масалан, электрон почта жўнатиш хизмати) шартнома асосида берилади.

7. Сизнинг ҳуқуқларингиз

Сиз ўзингиз ҳақингиздаги маълумотлар билан танишиш, уларни тузатиш ёки ўчиришни талаб қилиш, қайта ишлашга розиликни қайтариб олиш ҳуқуқига эгасиз. Респондент сифатида аввал тестни ўтказган ташкилотга мурожаат қилинг; бошқа саволлар бўйича support@testogen.uz манзилига ёзинг.

8. Соокие файллар

Платформа фақат зарур соокие файллардан фойдаланади: тизимга кирганликни сақлаш, тест уринишини давом эттириш ва тил танловини эслаб қолиш учун. Реклама ёки таҳлил соокие файллари ишлатилмайди.

9. Ўзгаришлар

Сиёсат ўзгарганда янги таҳрири шу саҳифада эълон қилинади. Муҳим ўзгаришлар ҳақида ташкилот эгаларига электрон почта орқали хабар берилади.